Петропавлдағы халықаралық әуежай жабылуы мүмкін

Петропавлдағы халықаралық әуежай жабылудың алдында тұр. Пандемия кезінде әуе рейстері тоқтап қалғандықтан, жұмысшылар бірнеше айдан бері жалақы алмаған. Қазіргі күні стратегиялық маңызды нысанды сақтап қалудың бірден-бір жолы мемлекет қарамағына өткізу. Қазір әуежайды банкрот деп тану үшін нақты жұмыстар жүргізіліп жатыр. Ал, қызметкерлерге жалақы кезең-кезеңімен беріледі.  

Құмар Ақсақалов, облыс әкімі:

-Жұма күні 5 миллион теңге аударылды, осы апта тағы сонша төлейді. Қарашаның 10-ына дейін жалақы бойынша қарызды жабуға тырысамыз. Бұл демеушілердің берген ақшасы. Екі айдан кейін әуежай облыс әкімдігіне қарасты әлеуметтік-кәсіпкерлік корпорациясы меншігіне өтеді. Келесі жылдан бастап мекеменің шығынын толықтай жергілікті бюджет есебінен өтейтін боламыз.

Сағындық Сәбитұлы