Садыр Жапаров бас прокурорды отставкаға жіберді

Қырғызстанның уақытша президенті Садыр Жапаров бас прокурор Откурбек Джамшитовты өз өтініші бойынша отставкаға жіберді. Сонымен қатар, ол экономикалық амнистия жариялады. Бұл шараның мақсаты – бюджетті толтыру, заңсыз шетелге шығарылған капиталды қазынаға қайтару, экономиканы қолдау және сыртқы қарызды өтеу.   Қырғызстанда парламенттік сайлау қайтадан желтоқсанның 20-да өтетін болды. Мұндай шешімді елдің Орталық сайлау комиссиясы бірауыздан мақұлдаған.  

Айта кетсек, елде Жоғарғы кеңеске сайлау қазанның 4-де өткен еді. Бірақ, Бішкекте жаппай шерулер мен тәртіпсіздіктер басталғандықтан, оның нәтижесін жоюға тура келді. Республикада билік ауысып, президент Сооронбай Жээнбеков отставкаға кеткені белгілі.

Арыстан Рысбек