Қостанай облысында карантин талабын бұзғандарға 62 млн теңге айыппұл салынды

Қостанай облысында соңғы үш айда санитарлық талапты бұзудың 5 мыңнан астам дерегі анықталған. 900-ге жуық заңды және жеке тұлғаларға барлығы 62 млн теңге айыппұл салынды. Қазір мамандар карантин режимінің сақталуын күні-түні қатаң қадағалауда. Бұл жұмысты аймақта жасақталған 91 мониторингтік топ тәулік бойы жүргізеді. Ал облыс орталығында осындай 10 топ жұмыс істейді. 

Сәуле Нұрпейісова, Тауарлар және қызметтер сапасын БД баспасөз хатшысы:

-Бұған дейін дүкендерде сатушылардың маска тақпауы, резеңке қолғап кимеуі жиі кездесетін. Қазір бұл талаптарды бұзатындар қатары сиреді. Енді көп адам жиналып той жасауы, туған күн тағы да басқа отбасылық мерекелерді атап өтуі жиілеп тұр. 

Дәуренбек Әбдібек