Алматыдағы блок-бекетте жол апатына кінәлі экс-полицей 10 жылға сотталды

Алматы блок-бекетіндегі апатқа кінәлі BMW жүргізушісіне қатысты сот үкімі шықты.

Қарасай аудандық соты экс-полицей Азат Азаматовты ҚР ҚК 345-бабымен айыпты деп тауып, 10 жылға бас бостандығынан айырды. Ол жазасын қауіптілігі орта дәрежедегі түзеу мекемесінде өтейтін болды.

Еске салсақ, 25 мамыр күні таңғы сағат 5:30 шамасында BMW маркалы көлік жүргізушісі блок-постағы полиция көлігіне соғылған еді. Салдарынан екі тәртіп сақшысы көз жұмды. Сондай-ақ, үшінші полиция қызметкері жарақат алып, ауруханадан жазылып шыққан болатын.