Жаңалықтарды Telegram арнамыздан оқыңыз!Шымкентте баласын 1 млн теңгеге сатпақ болған әйел сотталды. Бұл туралы қалалық Полиция департаментінің баспасөз қызметі хабарлады.
11 қаңтарда полицейлер жедел-іздестіру шарасы аясында өзінің бір жастағы баласын 1 млн теңгеге сатпақ болған 1993 жылғы азаматшаны ұстады. Жас ана мұндай шешімге ақшаның жоқтығынан барғанын мойындаған.
«Шымкент қаласының кәмелетке толмағандардың істері жөніндегі мамандырылған ауданаралық сотының 2020 жылдың 27 қыркүйегіндегі үкімімен аталған азаматша ҚР ҚК-нің 135-бабы 2-бөлігінің 12-тармағы (Кәмелетке толмағандар саудасы) бойынша айыпты деп танылып, 6 жылға бас бостандығынан айырылды», - делінген хабарламада.
Фото: Depositphotos
