СҚО-да екпе салынғанына қарамастан құстар қырылып жатыр

Солтүстік Қазақстан облысының Кіші Белое ауылындағы «Адель-құс» фабрикасында жоғары патогенді құс тұмауы анықталды. Кәсіпорында 600 мыңнан астам тауық бар. Құстарға о баста екпе салынған, бірақ, соған қарамастан қырылып жатыр. Зертхана қорытындысы бойынша да індет расталды. Қазір фабрикадан құс өнімдерін шығаруға тиым салынды. 

Берік Әлжанов, Облыстық ветеринария басқарамасының басшысы:  
-Құстардың өлім-жітімге ұшыраған саны анықталып жатыр. Және сол өлген құстарды жою жүргізілуде. 

Сондай-ақ, өңірде өлген құс үшін тұрғындарға өтемақы төлене бастады. Бүгінге дейін 122 өтініш келіп түскен. Ал қазан айында өтініш бергендерге құстың нарықтағы орташа бағасы бекітілген соң ғана төленеді.  

Сағындық Сәбитұлы