Коммунистік партия алимент төлемеген әкелерге жазаны күшейтуді ұсынды

Қазақстан халықтық коммунистік партиясының өкілдері Талдықорғанда көпбалалы аналармен кездесті. Жалғызбасты аналар партия мүшелеріне алимент өндірудегі қиындықтарын тізіп берді. Сот орындаушылардың өңірлік палатасының мәліметінше, облыста 21 мыңнан аса іс қаралуда. Ер азаматтар табысын жасырып, қарызын төлемей, заңды айналып өтуге тырысады. Бұл орайда коммунистік партия Қазақстан заңнамаларына өзгерістер енгізіп, талаптарды күшейтуді ұсынып отыр. Жыл басынан бері Алматы облысында алимент төлемеген 170-ке жуық азамат әкімшілік жазаға тартылып, қамауға алынды. 68 тұлғаға қылмыстық іс қозғалған.

Қуаныш Қанатұлы