Атыраулық тұрғын үйдегі жылыжайда голландиялық марихуана өсірген

Полиция департаментінің Есірткі қылмысына қарсы іс-қимыл басқармасының қызметкерлері жедел-іздестіру іс-шаралары барысында, голландиялық марихуананы өсіретін зертхананы анықтады, - деп хабарлады Атырау облысы Полиция департаментінің бастығы Қамза Үмбетқалиев.

1970 жылғы азамат өзінің жатын бөлмесінде температурасы мен жарығы бар жылыжай жабдықтап, бөлме ішінде  есірткі тәріздес  өсімдік өсірумен айналысқан. 

Айыпталушының сөзінше, ол есірткі өсімдіктерін сату үшін емес, өзі қолдану үшін өсірген. Нарколог-дәрігердің қорытындысымен оның қанының құрамында есірткі бары анықталды. Қазіргі кезде Қылмыстық Кодекстің 300-бабы бойынша сотқа дейінгі тергеп-тексеру жұмыстары жүргізіліп жатыр.