Жемқорлықпен күрестің тиімді тәсілі – ашықтық

Сыбайлас жемқорлыққа қарсы іс-қимыл агенттігі оңтүстік кореялық серіктестерінің атынан Алматы облысындағы екі бірдей ауруханаға оттегі концентратын тапсырды. Агенттік төрағасы Алик Шпекбаев Іле ауданына жасаған жұмыс сапарында жемқорлықпен күрес мәселесімен айналысатын ауданаралық басқарманың ашылуына қатысып, сервистік әкімдіктердің жұмысымен танысты. Жетісу жерінде атқарылып жатқан жұмыстарға оң баға берді. Айта кетейік, ауданаралық бөлімшенің жаңартылған ғимараты Open Space нысанында жасалған. Бұл жемқорлыққа қарсы күрестің ашықтығын, қолжетімділігі мен транспаренттілігін айғақтайды. 

Ернар Мақажанов, Сыбайлас жемқорлыққа қарсы іс-қимыл агенттігі Алматы облыстық департаментінің басшысы:
Арнайы мониторинг топтарының бөлмелері бар. «Адалдық алаңы» қызметкерлерінікі де бар. 

Нұрхан Нұрланұлы