Қызметте жүріп сыйлық алған кезім болмады - Нұрымбетов

ҚР Еңбек және халықты әлеуметтік қорғау министрі мемлекеттік қызметкерлерге сыйлық алуға тыйым салған заң өте дұрыс шешім деп санайды. Және де ол өз басы сыйлық алмағанын айтты. 

«Мен жастайымнан мемлекеттік қызметтемін. Сыйлық алудан жоқпын. Менің қарамағымда істейтін әріптестерім бұны жақсы біледі. Сондықтан бір сыйлық алдым, құндысы осы деп айта алмаймын», - деді министр.

Жақында Президент тапсырмасына сәйкес Парламент сыбайлас жемқорлыққа қарсы күрес туралы заңға түзетулер мен өзгерістер енгізген болатын.  Заң мемлекеттік қызметкерлерге кез келген құнды сыйлықтар беруге тыйым салады. Министр заңды түрде қойылған талапты өте дұрыс деп есептейтінін айтып отыр.