Жаңалықтарды Telegram арнамыздан оқыңыз!Ресми мәлімет бойынша құстың еті мен жұмыртқасы бір жыл ішінде 20-25 процентке өскен. Яғни, тауардың құны бірте-бірте көтерілген. Әйтсе де қала әкімдігіндегі мамандар жұмыртқаның іріктелген, жоғары сұрыпты түрлері соңғы бір ай ішінде қымбаттағанын да жоққа шығармайды. Қостанай облысында жылына барлығы 420 млн дана жұмыртқа өндіретін үш ірі кәсіпорын бар. Бұл тауардың 122 млн-ы ғана жергілікті тұрғындарға саудаланып, қалғаны өзге өңірлерге шығарылады. Осы үш кәсіпорынның бірі Арқалық құс фабрикасы 24 қыркүйек күні карантин жариялануына байланысты жұмысын уақытша тоқтатқан.
Илона Тимошенко, қала әкімдігінің кәсіпкерлік бөлімінің басшысы:-Құстың жемі қымбаттады, коммуналдық қызмет бағасы өсті – құс еті мен жұмыртқасының құны көтерілуінің басты себебі осы. Бұған құс тұмауының қатысы бар деп ресми түрде айта алмаймыз. Бағаны тұрақтандыруда ауыл шаруашылығы жәрмеңкесінің маңызы зор. Қостанайда 17 қазанда жәрмеңке өткізуді жоспарлап отырмыз.
Дәуренбек Әбдібек
