Жаңалықтарды Telegram арнамыздан оқыңыз!Нью-Йоркте «Гендерлік теңдікті жеделдету және әйелдер мен қыздарға мүмкіндік беру» атты әйелдер жөніндегі бүкіләлемдік конференция өтті. Конференция БҰҰ Бас Ассамблеясының 75-сессиясында әйелдердің құқықтарын қорғау туралы Бейжің декларациясының 25 жылдығына арналған. Жиында Қазақстан Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы Лаззат Рамазанова сөз сөйледі.
Лаззат Рамазанова Әйелдер құқығын қорғауда тәжірибе алмасу үшін БҰҰ жанынан біріккен банк құруды ұсынды. Бүгінгі таңда Қазақстанның мемлекеттік қызметіндегі басшылық қызметтердегі әйелдердің үлесі 40% . Әйел судьялардың саны 51%-ға жетті. 78% -ы жеке кәсіпкер.
«Біз БҰҰ платформасында жаһандық дағдарыстан кезең-кезеңімен шығу бойынша ұсыныстар әзірлейтін дағдарысқа қарсы орталық, сондай-ақ, әйелдердің құқықтарын қорғау, олардың сақталуын бақылау жөніндегі шараларды жүзеге асырудағы мемлекеттердің озық тәжірибелермен жедел алмасу үшін бірыңғай банк құруды ұсынамыз. Бірлескен тәжірибе заманауи сын-қатерлерден иммунитетке айналатыны сөзсіз және бұл алға жылжудың негізі», - деп атап өтті ол.
Фариза Мұсақызы
