Қазақстан интернет еркіндігі бойынша 65 елдің ішінде 50-орында

Freedom House ұйымы интернет еркіндігі бойынша әлем елдерінің рейтингін жариялады. Рейтинг басылым, трансляция және онлайн-БАҚ еркіндігінің дәрежесін бағалайды.

Интернет еркіндігі бойынша барлығы 65 мемлекеттің ішінде Исландия бірінші орында. Сондай-ақ ТОП-5 елдің қатарына Эстония, Канада, Германия мен Австралия да бар. Қазақстан бұл тізімде 50-орынға жайғасқан. Бұл - ең төменгі көрсеткіштердің бірі. Бір жыл бұрын 46-орында болған еді. ТМД елдерінің ішінде Беларусь 48-орында, Әзірбайжан 45-орында, Қырғызстан 25-орында. 

Жалпы, рейтингте мына көрсеткіштер назарға алынған:

• интернетке қолжетімділікке кедергілер;
• сайттарға шектеулер (сайттарды бұғаттау, цензура);
• пайдаланушының құқықтарын бұзу (желідегі әрекеттерді, құпиялылықты бақылау).

Дереккөз: ranking.kz