Шымкентте жалған шот-фактура жасаған қылмыстық топ ұсталды

Шымкент қаласында 600 миллион теңгеден астам сомаға жалған шот-фактуралар жасаған қылмыстық топ ұсталды. Экономикалық тергеу департаменті қызметкерлері жүргізген жедел-іздестіру шарасы барысында ұйымдасқан топ мүшелерінің ешқандай қызмет түрі көрсетілместен, тауарларды тиеп-жөнелтпей-ақ шот-фактура жазумен айналысқаны анықталды. 

Экономикалық тергеу департаменті қызметкерлері 4 адамды 615 миллион теңгенің құжатын жазып жатқан жерінде қолға түсірді. Олар осы қызметі үшін аталған соманың 6,5 процентін, яғни 40 миллион теңге сыйақы алатын болып келіскен. Шымкент қаласы Абай аудандық сотының үкімімен айыпталушылар кінәлі деп танылып, 3 жылға шартты түрде бас бостандығынан айыру жазасына кесілді.  

Ғани Қалмахан