Қазақстан Ливанға көмекке 100 мың доллар бөлмек

Үкімет қаулысының ашық НҚА-да жарияланған төртінші нұсқасына сәйкес, Ливанға гуманитарлық көмек көрсетуге қаржы бөлінеді.

Құжатқа сәйкес, Қаржы министрлігі Сыртқы істер министрлігіне Үкіметтің төтенше резервінен Ұлттық банктің конвертация күніндегі ресми бағамы бойынша 100 000 долларға балама сомада қаражат бөлмек.

Еске салайық, 2020 жылы 22 қыркүйекте Ливанның оңтүстік аймағында қару-жарақ қоймасы жарылды. Бір ай бұрын, 4 тамызда Бейрут портында апат болды. Ресми мәліметтерге сәйкес, 2,7 мың тоннадан астам аммиак селитрасы жарылған. Салдарынан 190 адам қайтыс болды.

Дереккөз: LSM, Фото: stv.uz