Ұлттық арна көтерген мәселелер шешімін тапты

Бұрынғы Семей сынақ полигонына жақын орналасқан елді мекендердің әлеуметтік мәселелері біртіндеп шешімін тауып келеді. Ұлттық арна тілшілері шалғай ауылдарға баратын жолдың әбден тозғандығы, ауызсудың жоқтығы мен ғаламтордың болмауы сынды мәселелерді бірнеше мәрте көтерген болатын. Түйткілге Мәжіліс депутаты Нұртай Сабильянов назар аударып, өңірге тиісті қаржының бөлінуіне ықпал етті. Нәтижесінде 30 жыл жөндеу көрмеген Семей-Қайнар тасжолы қалыпқа келіп, ауылға су тартылды. 

Жәнібек Наурызбаев, Қайнар ауылының тұрғыны:

- Таза ауызсумен қамтылды. Екінші мына жолымыз да жасалып жатыр. 2017 жылы 14 км жол жасалған. Биыл міне 46 километрге орташа жөндеу жасалады дейді.

Ержан Жақып