БҚО-да той-томалақ туралы хабарлағандарға сыйақы беріледі

БҚО-да той-томалақ туралы хабарлағандар сыйақыға ие болмақ. Жедел штабтың отырысында облыс әкімі Ғали Есқалиев жауапкершіліктен жұрдай жандармен күрестің осындай жүйесін жолға қоюды тапсырды. Өйткені соңғы күндері өңірде талапқа бағынбай, той жасаудың 45 дерегі тіркелген. Ал аймақтағы жағдайды 130 мониторингтік топтың толық бақылауға қауқары жетпей отыр. Өз кезегінде сыйақы мөлшері 10 айлық есептік көрсеткіш, яғни 27 780 теңгеден аспайтын болады.

Ғали Есқалиев, Батыс Қазақстан облысының әкімі:

- Біздің тұрғындарымызға бір өтініш, егер сіздер көріп жатсаңыз, көпшіліктің қатысуымен шаралар өтіп жатса, полиция департаментіне немесе СЭС департаментіне хабарлама жіберуге болады. Ол үшін ақшалай сыйақы береміз.

Рауан Диәли