Қытай азаматы мектепте 39 адамды пышақпен жаралады

Қытайда бастауыш мектеп күзетшісі пышақпен шабуыл жасап, 39 адамды жаралады. Олардың екеуінің жарасы ауыр, деп хабарлайды жергілікті мемлекеттік ақпарат құралдары.

Оқиға бүгін елдің оңтүстік-батысындағы Гуанси аймағында болды. Суық қару ұстаған 50 жастағы Ли есімді азамат тұтқындалды. Одан зардап шеккендердің көбі – алты жасқа да толмаған балалар.

Айта кетсек, былтыр Хубэй провинциясында дәл осындай шабуылдан 8 бала қаза тапқан еді.

Арыстан Рысбек