Ресейде Конституцияға өзгерістер енгізу туралы референдум 1 шілдеде өтпек

Ресейде Конституцияны өзгерту туралы референдум шілденің 1-де өтетін болды. Мұны президент Владимир Птуин мәлімдеді. Айта кетсек, коронавирус эпидемиясына байланысты осы плебицитті сәуірдің 22-де доғаруға тура келген.

Егер халық негізгі заңды реформалауға дауыс берсе, Путин елді тағы екі мерзім басқарып, 2036 жылға дейін биікте қалуы мүмкін.

Кремль басшысы ескерткендей, алдағы референдумда сайлаушылардың қауіпсіздігі басты назарда болады. Айта кетсек, Ресейде Covid-19 вирусын жұқтырғандар саны 414 мыңнан асып, 5 мыңдайы қайтыс болды.

Арыстан РЫСБЕК