14 жастағы балалар ұшақта тегін қандай талаптар бойынша ұша алады?

14 жасқа дейінгі балалар 2021 жылдан бастап ел ішінде ұшақпен тегін ұша алады. Бұл жөнінде Қазақтуризм компаниясы хабарлады. Қазір

 KIDS GO FREE деп аталатын жоба әзірленіп жатыр. Тегін ұшу үшін туристік фирмалардан кемі 5 күнге жолдама сатып алу қажет. Оның үстіне жеңілдік еліміз бойынша тек 10 туристік бағыт бойынша қарастырылған Олар: Шалқар-Имантау, Баянауыл, Бурабай, Байқоңыр, Маңғыстау өңірлері. Сондай-ақ, Нұр-Сұлтан, мен Түркістан, Алакөл мен Балқаш көлдері және Алматының таулы аумақтары.

Бұл бастама былтыр мамыр айында көтерілген. Ол кезде оны Мәдениет және спорт министрі болған Арыстанбек Мұхамедиұлы айтып, екі-үш айдың ішінде жүзеге асатындығын айтқан. Алайда, тек келер жылы ғана іске аспақ.

Шерхан ЖАМБЫЛҰЛЫ