Жаңалықтарды Telegram арнамыздан оқыңыз!1 маусымнан бастап елордада балабақшалар мен қосымша білім беру ұйымдары қалыпты жұмыс істей бастайды. Бұл туралы Қалалық білім басқармасының басшысы мәлімдеді. Жалпы бас қалада мектепке дейінгі ұйымдар санитарлық-дезинфекциялық режимді сақтай отырып, 18 мамырда қызметін жандандырған еді. Бірінші кезекте баланы үйде қалдыруға мүмкіндігі жоқ, жұмыс істейтін ата-аналардың балалары қабылданды. Олардың саны 4 мыңнан асады. Ал Нұр-Сұлтан қаласында жалпы 55 мыңнан астам бүлдіршін бөбекжайға барады екен. Білім басқармасының басшысы лагерьлер мен жазғы демалыстың ұйымдастырылуына қатысты мәселелерге де тоқталды.
Фариза МҰСАҚЫЗЫ
