Әскери борышын өтеп келген сарбаздарды қарсы алғандар карантин тәртібін бұзған

Қарағанды вокзалы маңына жиналған қалың жұрт сақтық шараларын сақтамай, карантин тәртібін бұзған. Сол сәт түсірілген бейнежазбадан мұны анық аңғаруға болады.

Әскери борышын өтеп, үйіне оралған сарбаздарды қарсы алуға келген адамның санында есеп жоқ. Басым бөлігі бетпердесіз жүр, ал ара-қашықтық жайлы айтудың өзі артық. Вокзал әкімшілігі бұл туралы түсінік беруден бас тартты. Олардың айтуынша, қауіпсіздікті тәртіп сақшылары қамтамасыз ету керек. Бірақ иін тірескен жұрт ие бермей, аласа қоршауды аттап өтіп, перронға бас қойған. 

Руслан НҰРЛАНҰЛЫ