Мешітке барғанда қандай талаптарды сақтау керек?

Діни басқарма мешіттерге барудың талаптарын түсіндірді. Онда тек жекелеген түрде намаз оқуға рұқсат. Сондай-ақ мұсылмандар құран оқытып, неке қидыра алады. Жамағатпен бірігіп, бес уақыт, жұма немесе тарауық намазын оқуға болмайды. Сондай-ақ мешіт ішінде құлшылық ету уақыты 15 минуттан аспауы керек. Ал намаз оқушылардың арақашықтығы бір жарым метр болуы тиіс. Әрі олар қол алыспауы керек. Үш сағат сайын ғимарат іші дезинфекцияланады. Имамдар мен келушілер міндетті түрде бетперде тағып, медициналық қолғап киюі керек. 18-мамырдан бастап мешіттердің ашылатынын бұған дейін хабарланған едік.

Досжан МАРАТҰЛЫ