Ұшпайтын ұшақтарға билет сатылған

Қазақстанның үш аймағында әуе рейстері әлі ашылған жоқ. Олар-Атырау, Орал және Шымкент. Әзірге бұл өңірлерге ұшақ қатынамайды. Бірақ соған қарамастан FlyArystan компаниясы Нұр-Сұлтан -Шымкент, Шымкент-Нұр-Сұлтан бағыттарына билет сатып үлгерген.

Азаматтық аваиция комитетіндегілер билетті сату-сатпау әуе компанияларының өз шешімі екенін айтады. Ал FlyArystan компаниясының жауабы мынадай.

Билеттің құны толық қайтарылады. FlyArystan.com сайты арқылы немесе әуе компаниясының байланыс орталығынан сатып алған жолаушыларға қайтарым автоматты түрде жүзеге асырылады. Ал агенттіктен сатып алғандар сол жерге хабарласуы тиіс.

Ақерке БЕРІКБЕКҚЫЗЫ