Жаңалықтарды Telegram арнамыздан оқыңыз!Алматыда жұмысын бастаған 96 кәсіпорын басшылары айыппұл арқалауы мүмкін. Оларға санитарлық талаптарды сақтамағаны үшін хаттама толтырылды. Бұл істер енді әкімшілік сотта қаралады. Мегаполисте бүгінге дейін 1500-ге жуық кәсіпорын тексеруден өтіп, олардың тек 80 пайызы ашылуға рұқсат алған.
Мобильді топ бір ауданда күніне 10-нан астам мекемені аралайды. Солардың кемінде екеуі карантин ережесін сақтамайтынын айтады мамандар. Қазір қалада 2 кезең бойынша мыңнан астам нысанның жұмысы жанданды. Келесі аптада мекемелер қатары тағы артады. Алайда, 20 мобильді топ бәрін тексеріп үлгере алмай жатыр. Сондықтан комиссия кәсіпкерлердің жауапкершілікті жіті сезініп, қауіпсіздік щараларын барынша сақтауға шақырып отыр.
Нұрхан НҰРЛАНҰЛЫ
