Бейнеуде 30 түйе күл ауруына шылдыққан

Маңғыстау облысының Бейнеу ауданында 30 түйе күл ауруына шылдыққан. Жануарлардың біразын емдеп жазған. Әйтседе, ауру малдың саны әлдеқайда көп болуы мүмкін. Себебі, иелері дертке шалдыққан түлікті мамандарға тіркетпей, өз бетінше емдеп жатқанын айтады облыстың бас ветеринары. Дер кезінде антибиотикпен емдеген мал 100 пайыз індеттен айыққан. Күл ауруы тек жаңа туған боталарға ауыр тиюде. Сондай-ақ, буаз түйелерде іш тастау көбейген. Мамандар, ауруды түбегейлі жою үшін, Ауыл шаруашылық министрлігінен вакцина күтіп отыр. Содан соң жаппай егу шарасын 3 жыл қатарынан жүргізбек. Әзірге, мамандар демеушілердің көмегімен алынған дәрі-дәрмекпен амалдап жатыр.

Аягөз ОРАЛБАЙ