Жаңалықтарды Telegram арнамыздан оқыңыз!Нұр-Сұлтан қаласы бойынша жағымды көрсеткiш бар. Мамандардың айтуынша, соңғы екi күнде iндеттiң таралуы 2,6 пайызға төмендеген. Жалпы елордада вирусқа шалдыққан 630-дай адам тiркелдi. Оның 36 пайызы дертiнен айықты. Науқастардың ең үлкенi 97 жастағы қария. Ол жазылып шықты. Ал ең кiшкентайы 4 айлық сәби әлi ауруханада. Бұған қоса, 7 шетелдік ем алып жатыр. Олар АҚШ, Ауғанстан, Украина, Ресей азаматтары. Бесеуi карантиннен шығарылды. Ал тұрғындар сақтық шараларын қатаң сақтаулары керек.
Сонымен қатар, басқарма басшысы елордада 150 медициналық қызметкердiң вирусқа шалдыққанын айтты. Оның 30 пайызы iндеттi жұмыс барысында жұқтырған. Қалғандарының қайдан және қалай шалдыққаны бойынша тексеру жүрiп жатыр.
Сәуле АЛДАМҰРАТ
