Атырауда 4 тоннадан астам балық оттегі жетпей қырылған

Атыраудың Приморск каналындағы балықтар оттегі жетпей қырылған. «Ақжайық» мемлекеттік резерватының ғылыми қызметкерлері осылай деп отыр. Сол себепті 4 тоннадан астам балық өлексесі жағаға шығып қалған. Зерттеу жұмысы Казгидромет мамандарымен бірлесіп жасалды. Судан алынған алғашқы сынама, оттегінің шектік мөлшерден екі есеге дейін төмен екенін көрсеткен. Су құрамынан зиянды қоспалар мен мұнай қалдығы анықталмады. Бірақ бұл соңғы шешім емес. Басқа да құзырлы органдар балықтың нақты неден қырылғанын әлі зерттеп жатыр. 

Жандос ТЕМІРҒАЛИ