Ақтөбе облысында 12 мыңға жуық жұмыс орны ашылмақ

Биыл Ақтөбе облысында 12 мыңға жуық жұмыс орны ашылады. Бұл жөнінде Премьер-Министрдің орынбасары Роман Склярдың өңірге жасаған жұмыс сапары барысында айтылды. Қазір аймақта «Жұмыспен қамту» жол картасы шеңберінде 302 жоба іске асырылып жатыр. Ол үшін 46 миллиард теңгеден астам қаржы бөлінген. Сондай-ақ жол құрылысы да тоқтамайды. Өңірде жаңадан салынатын және жөндеуден өтетін жолдың жалпы ұзындығы 800 шақырымға жуық. Үкімет мүшелері республикалық маңызы бар «Ақтөбе-Атырау-Астрахань» тас жолының құрылысымен де танысты. Одан бөлек, Ақтөбе қаласындағы көпір құрылысын көрді. Бұл нысан жыл соңына дейін аяқталуы тиіс. 

Жақсыбек КЕМАЛ