Жаңалықтарды Telegram арнамыздан оқыңыз!Қашықтан оқытуға байланысты биыл оқушылардың білімін бағалау бұрынғыдан сәл өзгеше болады. Төртінші тоқсанды балалар онлайн тәмамдайды. Сондықтан жиынтық бағалаулар бойынша тапсырмалар жазбаша орындалады. Кей пәндерден оқу, ауызша жауап беру сынды тапсырмалар алынып тасталады. Бұл туралы Білім және ғылым министрлігінің өкілдері хабарлап отыр. Бұған кей елді мекендерде интернеттің жоқтығы себеп. Ал бөлімді жиынтық және тоқсандағы жиынтық бағалаудың тапсырмаларын әдеттегідей мұғалімдер әзірлейді. Министрлік ұстаздарға оқушылардың білімін бағалау үшін арнайы әдістеме ұсынбақшы. Айта кетейік, жаңартылған білім беру бағдарламасына 11-сынып оқушылары көшпеген. Сондықтан олар бақылау жұмысын тапсырады.
Альбина ӘШІМ
