Алматыда курсанттар жараланған азаматты құтқарып қалған

Алматыда әскери қызметшілер адам өміріне араша түсті. Курсанттар жарақат алып, көшеде қансырап жатқан тұрғынға алғашқы медициналық көмек көрсеткен. Дінмұхамет Алтынбек пен Ерзат Бекполов қала көшелеріне дезинфекциялау жұмыстары кезінде жол жиегінде әлсіреп жатқан ер адамды байқайды. Жедел жәрдем келгенше тұрғынның есінен танып қалмауына бар күшін салады. Қазір 72 жастағы тұрғынның жағдайы жақсы. Радиоэлектроника және байланыс әскери-инженерлік институты курсанттарды кез келген жағдайға дайын болу үшін түрлі тәжірибелік сабақтар жүргізеді. «Сондықтан науқасқа көмектесу еш қиындық туғызған жоқ»,-дейді әскери қызметшілер.

Жазира ОРАЗҚЫЗЫ