42 500 теңге аламын деп алаяқтарға алданып қалмаңыз

42 500 теңге аламын деп алаяқтарға алданып қалмаңыз. Себебі соңғы уақытта сайттар мен әлеуметтік желіде осы жәрдемақыны алуға көмектесемін деген жарнамалар көбейді. Электрондық цифрлық қолтаңбаны рәсімдеуге қолдау көрсетемін деген хабарламалар да жетерлік. Сыбайлас жемқорлыққа қарсы іс-қимыл агенттігі тұрғындарды абай болуға шақырады. Адамның жеке және банктегі деректемелері, электрондық цифрлық қолтаңбасы алаяқтың қолына түссе, дүние-мүлік, көлік және ақшадан айырылып қалу қаупі жоғары. Тақырға отырып қалмас үшін тек ресми органдарға хабарласу қажет.  

Берік КӨШЕРБАЙ