Биыл Қазақстанда президенттік басқару институтының құрылғанына 30 жыл толды

Биыл Қазақстанда президенттік басқару институтының құрылғанына тура 30 жыл толды. Бұл егемен еліміз үшін айтулы белес, тарихи кезең.

Осыдан тура 30 жыл бұрын, яғни, 1990 жылдың 24 сәуірінде қазақ тарихында тұңғыш рет президенттік институт құрылды. Заң қабылданды. Саяси тұрғыда тәуелсіздікке жетудің алғышарты қаланып, мемлекетті басқарудың жаңа үлгісі енгізілді. Бір жылдан кейін жалпыхалықтық сайлау өткені есте. Егемен елдің тұңғыш Президенті болып Н.Назарбаев сайланды. Айта кетейік, Қазақстанда президенттік институтты енгізу Ресейден бір жыл бұрын жүзеге асты.

Тұңғыш Президент басқарған тәуелсіздік жылдарының ішінде ел экономикасы 20 есеге артып, халықтың әл-ауқаты 19 есе артты.

Асима НҰРБАЙҚЫЗЫ