Whatsapp топтық бейнеқоңырауға қатысушылар санын көбейтуде

Whatsapp мессенджерін әзіреушілер топтық видеоқоңыраулардың мүмкіндігін кеңейтуде. Алдағы уақытта бейнебайланысқа сегіз адамға дейін қосыла алатын болады.

Мамандардың айтуынша, қазіргі таңда мұндай мүмкіндік мессенджердің бета-нұсқасында ғана қолжетімді. Бұл қызмет түрі сынақтамалардан толық өткен соң Whatsapp мессенджерін қолданатын барлық адамдарға қолжетімді болады.

Қазір кеңейтілген топтық қоңыраудың мүмкіндігін пайдалану үшін барлық қолданушыларда мессенджердің өзекті бета-нұсқасы орнатылуы тиіс.