Нұр-Сұлтанда санитарлық талаптарды сақтамаған 15 нысан қайта жабылды

Нұр-Сұлтанда санитарлық талаптарды сақтамаған 15 нысан ашыла сала, қайта жабылды. Өйткені кейбір кәсіп түріне жұмыс істеуге рұқсат берілгенімен, коронавирустан қорғану ережелерін бұзған. Десе де, бір ай карантинде жатып жұмысын қайта жандандырған бизнесмендер жоқ емес. Ашылған нысандардың қатарында химиялық тазалау орындары мен нотариус және екінші деңгейлі банктер бар. 

Осылайша кәсіп орындары біртіндеп ашылып жатыр. Бірақ онда аса қатты қажеттілік туындаған жағдайда ғана бару керек. Өйткені карантин аяқталған жоқ. Көшеде жүру әлі қауіпті. Оның үстіне коронавирустың шарықтау шегі алда дейді мамандар.

Досжан МАРАТҰЛЫ