Петропавл су қоймасы шамадан тыс толып кетті

Ақмола мен Солтүстік Қазақстан облыстарына қызыл судан әлі қауіп төніп тұр. Қазір Петропавл су қоймасы шамадан тыс толып, қауіпсіздік шаралары күшейтілді. Бұл туралы Ішкі істер министрінің орынбасары Юрий Ильин айтты. Ал Түркістан, Павлодар, Алматы, Батыс Қазақстан облыстарында өрт шығу қаупі жоғары. Бұл өңірлерде 70 орман және 13 дала өрті тіркелген. Синоптиктердің айтуынша, сәуірдің 25-інен кейін еліміздің орталық және солтүстік өңірлерінде ауа-райы түнде 5 градусқа дейін суытады. Жауын-шашын да болады. Ал мамыр айында күн қатты ысиды. Бұл су тасқыны мен өрт қаупін онан әрі күшейтеді.

Ақерке БЕРІКБЕК