Петропавлда 2 мыңнан аса саяжай учаскесін су басты

Петропавлда 2311 саяжай учаскесі су астында қалды. Есіл арнасынан асып, қала маңындағы Заречный кентіне қатынас шектелді. Сондай-ақ Новосібір-Челябі тас жолы бойындағы бірқатар учаскелер де жабылды.

Қазір Сергеев гидро торабындағы су деңгейі төмендеді. Негізінен Қызылжар ауданы аумағындағы елді мекендер мен Петропавл қаласына қауіп төніп тұр. Мамандар арнайы бекеттер құрып, жағдайды күндіз түні бақылауға алған.

Жалпы тасқын күшейгелі облыста 40-тан астам жол учаскесін су басып, екі жерді шайып кетті. Жергілікті алты трасса со күйі жабық.

Сағындық СӘБИТҰЛЫ