Жаңалықтарды Telegram арнамыздан оқыңыз!Аз қамтылған отбасыларға азық-түлік орнына берілетін ақшаның сомасы белгілі болды. Нұр-Сұлтан қаласының әкімдігі әлеуметтік пакеттің құнын 4 АЕК көлемінде бекітті. Яғни әр отбасы 10 604 теңге алады. Еске салайық, кепілдендірілген көмек аясында енді азық-түлік пен тұрмыстық қажеттіліктер тауар түрінде емес, қаржылай беріледі. Бұл азаматтардың қауіпсіздігі мен жедел жеткізу үшін жасалып отыр.
Бұдан бөлек, коммуналдық төлемдерді азайту мәселесіне қатысты Елорда әкімдігі әлі нақты шешім шығарған жоқ. Ал Алматы әлеуметтік аз қамтылғандарға жеңілдік жасауды бастады. Карантин режимі енгізілгенде шаһарда төлемдер 2 айға шегерілген болатын. Енді белгілі санат бойынша 15 мың теңгеден төленбек.
Асима НҰРБАЙҚЫЗЫ
