Жаңалықтарды Telegram арнамыздан оқыңыз!Өскеменге эвакуациялық рейс келді. Ұшақта болған 179 жолаушының ішінде Қазақстаннан бөлек, Ресей және Қырғыз елінің азаматтары да бар. Олар Тайланд, Индонезия және Вьетнам елдерінде болған. Жолға шығар алдында барлығы медициналық тексеруден өткен. Оларды медицина қызметкерлері мен полицейлер қарсы алып, дене қызуын тексерді. Жүктеріне дезинфекция жасалды. Ресейліктер автобусқа отырғызылып, өз елдеріне жіберілсе қазақстандықтар мен Қырғыз елінің азаматтары Өскемендегі карантиндік стационарға жеткізіліп, тексеруден өтті.
Берік КӨШЕРБАЙ
