Нұр-Сұлтанда азық-түлікті қымбаттатқан 2 супермаркет иесі жауапқа тартылды

Нұр-Сұлтанда азық-түлік бағасын негізсіз қымбаттатқан екі супермаркет иесі жазаланды.

Олар халыққа қажетті тауарлар құнын министрлік бекіткен «шекті бағадан» әлдеқайда өсірген. Мәселен, 1-сұрыптағы ұнның бағасы 197 теңгеден аспау міндеттелген, бірақ дүкенде 230 теңге болған. Ал, күріш бекітілген бағадан 70 теңгеге қымбат сатылған. Дүкен иелерінің әрқайсысына 277 мың теңгеден айыппұл салынды. Бағаны бақылау үшін құрылған мобильді топтар рейд жасауды әлі жалғастырмақ.

Амангелді СЕЙІТХАН