АҚШ-тан елге оралатын қазақстандықтарға арнайы рейс ұйымдастырылады

АҚШ-тан елге оралуға ниет білдірген қазақстандықтар үшін арнайы рейс ұйымдастырылады. Бұл жөнінде Сыртқы істер министрлігінің ресми өкілі Айбек Смадияров мәлімдеді. Оның айтуынша, отандастарымыздың басым бөлігі құрама штаттарда өз еркімен қалған. Айта өтейік, жақында АҚШ президенті Дональд Трамп коронавирус пандемиясына орай, өз азаматтарын әкетуге асықпай отырған елдерге қарсы визалық санкция енгізетінін мәлімдеген еді. Тиісті құжатқа қол қойып, Ақ үйдің ресми сайтына да жариялап үлгерген. Меморандум жыл соңына дейін күшінде болады. АҚШ Мемлекеттік хатшысына тез арада осындай елдер тізімін жасау жөнінде пәрмен берілген.  

Ләйлә ДУЛАТ