Жаңалықтарды Telegram арнамыздан оқыңыз!Осы коронавирустан жазылып шыққандар арасында 82 жастағы қария да бар. Ол Нұр-Сұлтан қаласының тұрғыны. Ауруханада 22 күн бойы ем алған әжей бүгін үйіне жіберілді.
Нұр-Сұлтандағы көпбейінді медициналық орталықта қазір ауыр жағдайдағы науқастар жатыр. Бүгін солардың бірі - 82 жастағы қария айығып шықты.
Ал Маңғыстауда коронавирус жұқтырған алғашқы науқас бүгін ауруханадан шықты. 46 жастағы Қайрат Хасанов 17 күн бұрын Түркиядан ұшып келген. Оның «Covid-19» инфекциясына шалдыққаны әуежайда анықталып, бірден ауруханаға жатқызылған.
Дертті жеңіп шыққан азамат өзгелерден сақтақ шараларын сақтап жүруді өтінді. Өйткені, ауырып ем іздегенше, ауырмаудың жолын іздеу маңызды. Ал, қазір ел бойынша осы дертке шалдыққан 21 адам ауыр жағдайда жатыр. 34 236 адам карнатинге алынған. Оның 68 пайызы үй карантинінде.
Аманкелді СЕЙІТХАН
