Ресейден вирус жұқтырып келген студент оқшауланды

Ресейден коронавирус жұқтырып Қазақстанға келген студент оқшауланды. Ауруханада жатыр. Оның қауіпті ауруды жұқтырғандығын 4 сәуір күні ресейлік дәрігерлер анықтаған. Алайда сараптама қорытындысы шыққанға дейін Қорған қаласындағы техникумдардың бірінде оқитын бойжеткен Қазақстанға кетіп қалған. Мұндай ақпаратты Ресейлік ақпарат құралдары таратқан. «Оның елге қалай кіргені қазір анықталып жатыр»,- деп хабарлады Денсаулық сақтау министрлігінің ресми өкілі Диас Ахметшәріп. Сорақысы сол, студент елге келіп достарын жинаған, той да өткізген. Қазір байланыста болған барлық адамдар анықталып жатыр.

Раушан САЙЛАУҚЫЗЫ