Жаңалықтарды Telegram арнамыздан оқыңыз!Ағаштар гүлдеп, жапырағы бүр жарған кезде Шымкентті қар басып қалды.Шымкентте жауған қардың салмағын көтере алмай ағаштар опырылып құлап, жүргіншілер жолы мен көшелерді жауып қалды. 30-дан аса жеңіл автокөлік зақымданып, шаһардағы 8 мыңдай абонент жарықсыз қалды. Кейбір аудандар табиғи газ, байланыс және интернет желісінен ажырады.
Сондай-ақ, Жамбыл облысының кей жерлеріне де қар түсті. Бір жақсысы- бұл өңірде көкемгі дала жұмыстары аяқталып қойған.
Бүгін Алматыда да күн күрт суытты. Нөсер жауынның соңы қарға ұласып, ауа температурасы 3 градусқа дейін төмендеп кетті. Таулы аудандарда тобықтан асатын қар түскен.
Сәуір айының басында күн суытып, еліміздің бірқатар аймағында жаңбыр мен қар жауатынын синоптиктер де алдын ала ескерткен.
Берік КӨШЕРБАЙ
