«Бәйтерек» холдингі шағын және орта бизнес иелеріне қолдау көрсетпек

Биыл елдің барлық өңірлерінде 16 мыңнан астам пәтер салынады. Мемлекет басшысының халықты тұрғын үймен қамтамассыз ету саясаты аясында «Бәйтерек» холдингі құрылыс жұмыстарына 180 миллиард теңге тартпақ. Бұл қаражат кредиттік тұрғын үй салуға бағытталады. Холдинг төтенше жағдай кезінде дағдарысқа қарсы шараларды ширатып, шағын және орта бизнес иелеріне қолдау көрсетпек. Сондай-ақ Тұрғын үй құрылыс жинақ банкі, Қазақстан ипотекалық компаниясы, Бәйтерек девелопмент сынды еншілес компанияларының тұтынушыларына төлемдерін үш айға үстемақысыз және айыппұлсыз кейінге қалдыруға мүмкіндік беріп отыр.

Ләйлә ДУЛАТ