Елордада дезинфекциялау жұмыстары жалғасуда

Елорадада қала көшелері мен халық көп жүретін аумақтарды жаппай дезинфекциялау жұмыстары жалғасып жатыр.

Қазір қаланы дезинфекциялауға санитарлық қызмет мамандары мен әскерилерден құралған 250 адам жұмылдырылған. Бүгін Жеңіс, Бейбітшілік, Мәңгілік ел көшелері түгел қамтылды. Сонымен қатар, қала аумағында орналасқан блокбекеттерде әскерилер жоспарға сай залалсыздандыру жұмыстарын жүргізуде.

Әскерилер де бекетттерде үзіліссіз кезекшілік етіп жатыр. Сол жерлерге арнайы шатырлар тігілген. Сарбаздар сонда ұйықтайды. Яғни далалық жағдайда өмір сүреді. Бір бекетте командирмен қоса алғанда 10 адам бар. Үш аусымға бөлініп, тәулік бойы қызмет етуде.

Махамбет БЕЙБІТШІЛІК