Түркістан облысында мал базарлары жабылуы мүмкін

Түркістан облысында мал базарларының жұмысын уақытша тоқтату туралы өңір басшысына ұсыныс хат жолданды. Бүгінде аймақта төрт түлікті саудалайтын 31 орын бар. Оның 27-і күні кешеге дейін тұрақты жұмыс істеп келді. Мал өсіру мен оны бордақылау ісі дамыған өңірде мал базарлары жұрттың көп шоғырланатын жерлерінің біріне айналған. Әсіресе Сайрам ауданындағы Қарабұлақ базары аптасына екі күн жұмыс істейді. Әрі оған тек Түркістан емес, көршілес Қызылорда, Жамбыл, Алматы облыстарынан да сатып алушылар келеді. Сондықтан сауда орындарының жұмысын шектеу мәселесі туындады.