Вируспен күресіп жатқан дәрігерлердің жалақасы үш есе өсті

Коронавируспен науқастанғандарды емдеуге күш салып жатқан медицина мамандарының жалақысы үш есеге өсті. Бұл туралы денсаулық сақтау министрлігінің ресми өкілі Диас Ахметшәріп хабарлады. Еңбекақысы көбейген мамандардың алғы шебінде инфекционистер мен жедел жәрдем қызметкерлері бар. Қазіргі уақытта, коронавирус тіркелген екі қалада мамандар жеткілікті. Егер тапшылық сезілсе, өңірдегі дәрігерлер тартылады.

Раушан САЙЛАУ