Жаңалықтарды Telegram арнамыздан оқыңыз!Коронавирустың таралуына байланысты, «Болашақ» бағдарламасымен оқып жатқандар елге қайтса, жол ақысы өтеледі. Бұл туралы Білім және ғылым министрі Асхат Аймағамбетов мәлімдеді. Айта кетейік, қауіпті індет тараған бірінші санаттағы елдерде жалпы 1176 қазақстандық студент бар. Олардың көбі онлайн оқуға көшкен.
Білім министрінің мәліметі бойынша, «Болашақ» бағдарламасы бойынша 18 елде 857 студент білім алып жатыр.
Сонымен қатар, Білім және ғылым министрлігінің шешімімен, академиялық ауысыммен өзге елдерге оқуға барғалы отырған 600 студент елде қалатын болды. Уақытша қолданылған шара отандастарымыздың қауіпсіздігі үшін жасалып отыр.
Фариза МҰСАҚЫЗЫ
