Елорданың өзінде су басуы мүмкін 37 аумақ анықталды

«Астана су қоймасына» жиналған суды өзенге жібере бастады. Өйткені биыл қар көп. Ал күн күрт жылыса, қойма арнасынан асуы мүмкін. Экология, геология және табиғи ресурстар министрлігіндегілер осылай дейді.

Астана қоймасынан аққан су Есіл арқылы Елорданың ішімен өтеді. Сондықтан, қаланың өзін де биыл су басуы мүмкін 37 аумақ анықталған.

Мамандар айтқан маңайдағы ахуалды көру үшін ол жаққа да бардық. Бірақ, төтенше жағдай қызметі Есілдің ескі арнасын былай қойып, тіпті жаңа арна жасап жатқандарын айтты.

Қазір тасқынның алдын алу шаралары ширады. Бұл жылда келетін қауіп. Ал жоғарыдағы ескіріп тұрған бөгенді жөндеу жұмыстары жазда басталмақ. Оған дейін бір шыдап берсе деп отыр...

Амангелді СЕЙІТХАН